पछिल्लो २४ घण्टामा थप २३२८ जनामा कोरोना पुष्टि, ३०६६ जना कोरोना संक्रमणमुक्त

काठमाडौँ । नेपालमा पछिल्लो २४ घण्टामा थप २ हजार ३२८ जना कोरोना संक्रमित थपिएका छन्।

स्वास्थ्य तथा जनसंख्या मन्त्रालयका अनुसार ५ हजार ८३७ पीसीआर परीक्षणबाट १ हजार ५२७ र ४ हजार २९६ एन्टिजेन परीक्षणबाट ८०१ जनामा संक्रमण पुष्टि भएको हो।

यस्तै गत २४ घण्टामा थप १९ जना कोरोना संक्रमितको मृत्यु भएको छ। यससँगै हालसम्म देशभर कोरोनाबाट ज्यान गुमाउनेको संख्या ९ हजार १९८ पुगेको छ।

पछिल्लो २४ घण्टामा ३ हजार ६६ जना कोरोना संक्रमणमुक्त भएका छन्। यससँगै नेपालमा हालसम्म कोरोना संक्रमणमुक्त हुनेको संख्या ६ लाख ६ हजार ६६६ पुगेको छ।

हाल देशभर २७ हजार ७१६ जना सक्रिय संक्रमित रहेका छन्।