धनकुटामा कोरोना संक्रमणबाट ७८ वर्षीय वृद्धको मृत्यु

धनकुटा । कोरोना संक्रमणका कारण धनकुटामा एक बृद्धको मृत्यु भएको छ । कोरोनाबाट मृत्यु भएका वृद्धको शव अहिले आइसोलेसनमै छ । केहीबेरपछि नेपाली सेनाले शव व्यवस्थापन गर्ने बताएको छ ।

११ दिनअघि कोरोना संक्रमित भई धनकुटा अस्पतालले औद्योगिक ग्राममा सञ्चालन गरेको आइसोलेसनमा बस्दै आएका धनकुटा नगरपालिका वडा नं. ५ का ७८ वर्षीय वृद्धको आज बिहान ६ बजेतिर मृत्यु भएको हो ।

उनी दमका विरामी पनि थिए । उनको स्वास्थ्य अवस्था ठीक भएको भन्दै केही दिनअघिदेखि नै घर जान खोजिरहेका थिए । तर, आज बिहान एक्कासी उनको समस्या आएपछि उनको मृत्यु भएको धनकुटा अस्पतालका प्रखुख डा. पुजन विश्वकर्माले बताए ।

धनकुटा अस्पतालले सञ्चालन गरेको सो आइसोलेसनमा हाल १५ जना बसिरहेका छन् । सो आइसोलेसन नेपालकै उत्कृष्ट आइसोलेसनमा गनिन्छ ।