धनकुटामा थप ३७ जनामा कोरोना संक्रमण पुष्टि

धनकुटा । धनकुटामा थप ३७ जनामा कोरोना संक्रमण पुष्टि भएको छ ।

बिहीबार जिल्ला अस्पतालको ल्याबमा ५२ जनाको पीसीआर परीक्षण गर्दा १८ पुरुष र १९ महिलाको कोरोना संक्रमण पुष्टि भएको हो ।

जसमध्ये धनकुटा नगरपालिकाका १४ पुरुष १२ महिला गरी २६ जना, पाख्रिबास नगरपालिकाका ५ महिला र २ पुरुष गरी ७ जना, छथर जोरपाटी गाउँपालिकाका २ महिला र सहिदभुमी गाउँपालिकाका २ जना पुरुषमा कोरोना पुष्टि भएको छ ।

बिहीबार धनकुटा अस्पतालको ल्यावमा धनकुटा, संखुवासभा र पाँचथरका ९३ जनाको पिसिआर टेष्ट भएकोमा ५९ जनाको रिपोर्ट पोजेटिभ आएको जिल्ला अस्पताल धनकुटाका प्रमुख डा. पुजन विश्वकर्माले बताए