निरन्तर उकालो लागेको सुनको मूल्य घट्यो

काठमाडौँ । निरन्तर उकालो लागेको सुनको भाउ साताको अन्तिम दिन आज तोलमा ५ सयले घटेको छ ।  नेपाल सुनचाँदी व्यवसायी महासंघको अनुसार आज सुुन तोलामा ९० हजार ५ सय रुपैयाँ  तोकिएको छ ।

हिजो पनि एकैदिन तोलामा ७ सय रुपैयाँ घटेर सुन ९१ हजार रुपैयाँ तोकिएको थियो । यो हप्ता सुनको कारोबार बढ्ने र घट्ने क्रम चलिरह्यो । गएको बुधबार नयाँ रेकर्ड बनाउँदै तोलामा ९१ हजार ७ सय रुपैयाँमा कारोबार भएको थियो ।

आइतबार र सोमबार भने सुनको भाउ तोलामा ९१ हजार रुपैयाँ भएको भए पनि मंगलबार तोलामा २ सय बढेको थियो । चाँदीको भाउ पनि आज तोलामा १० रुपैयाँ घटेर तोलाको ९ सय ४० रुपैयाँ निर्धारण गरिएको छ ।