चितवनमा थप एक कोरोना संक्रमितको मृत्यु

भरतपुर । चितवन मेडिकल कलेजमा कोरोना संक्रमित एक जना युवकको मृत्यु भएको छ । कलेजमा उपचाररत पूर्वी नवलपरासीको देवचुली नगरपालिका–११ निवासी ३१ वर्षीय एक पुरुषको मृत्यु भएको हो ।

२६ गते कोरोना पुष्टि भएका उनको बिहीबार राति१२ बजेर १८ मिनेटमा मृत्यु भएको अस्पतालले जानकारी दिएको छ । सघन उपचार कक्षमा भेन्टिलेटरमा राखेर ती युवकको उपचार भइरहेको थियो । चितवनमा कोरोनाबाट मृत्यु हुनेको संख्या ३० पुगेको छ ।