रोकेर राखेको गाडी आफै गुडेपछि एक महिला घाइते
ताप्लेजुङ । जिल्ला सदरमुकाम ताप्लेजुङको व्यस्त बजार तोक्मेमा शनिबार स्टार्ट गरी रोकिराखेको गाडी आफै गुडेर बाटोमा जाँदा एक जना महिला घाइते भएकी छन् ।
शनिबार हाटबजार लाग्ने र सधैँ व्यस्त हुने ताक्मेक्षेत्रको बजारमा मे १ ज ३२०७ नम्बरको बोलेरो चालकले बन्द नगरिकन छोडेर हिडेका थिए ।
रोकेर राखेको ठाउँबाट बोलेरो आफै कुदेर जाँदा सडकमा हिडिरहेकी महिलालाई ठक्कर दिएको हो ।
ठक्करबाट मेरिङदेन गाउँपालिका २ सान्थाक्रा निवासी ४२ वर्षीया टंकमाया लिम्बू घाइते भएको प्रहरी प्रमुख डीएसपी सञ्जयसिंह थापाले बताए ।
उनको उपचार जिल्ला अस्तालमा नभएपछि धरानको बीपी कोइराला विज्ञान प्रतिष्ठानमा रेफर गरिएको छ ।
लापारबाही गर्ने चालक दिपेश लिम्बुलाई प्रहरीले नियन्त्रणमा लिएर अनुसन्धान भइरहेको छ थापाले बताए ।
प्रतिकृया दिनुहोस