अमेरिकी राष्ट्रपति ट्रम्प र उत्तर कोरियाका नेता किमबीच आज पनि भेटवार्ता

काठमाडौं । अमेरिकी राष्ट्रपति डोनल्ड ट्रम्प र उत्तर कोरियाका नेता किम जोङ उनबीच आज पनि भेटवार्ता हुँदैछ । उनीहरुले दोस्रो शिखर बार्ताको क्रममा आज दोस्रो तथा अन्तिम दिन महत्वपूर्ण विषयमा छलफल गर्ने बताइएको छ ।

दुई नेताबीच आजको बार्तामा कोरियाली प्रायद्धिपबाट आणविक हतियार हटाउने विषयमा छलफल हुने आशा गरिएको छ । सिंगापुरमा भएको पहिलो शिखर बार्तापछि आणविक विवाद समाधानमा दुई देशबीच थोरै भए पनि प्रगति भएको विश्वास गरिएको छ ।

अमेरिकी राष्ट्रपति ट्रम्प र उत्तर कोरियाका नेता उनबीच हिजो भियतनामको राजधानी हनोइको एक होटलमा केहीबेर एक्लाएक्लै वार्ता भएको थियो ।