४१ लाख नगद करोडौं चेक रकमसहित हुण्डी कारोबारी पक्राउ

काठमाडौं । उपत्यका भित्र गैरकानुनी तवरले हुण्डीको कारोबार गरेको आरोपमा प्रहरीले सातजनालाई नियन्त्रणमा लिएको छ । 

पक्राउ पर्नेमा नेपाली नागरिक राहुल राय अग्रवाल, राज कुमार श्रेष्ठ तथा भारतीय नागरिकहरु शिव कुमार साङतानी, अरुण सावरथिया, रविन्द्र चोखानी, राज कुमार सिघान्चीर जगदिश राना सरिया रहेका छन् ।

उनीहरुको साथबाट प्रहरीले नगद रु. ५१ लाख ४ हजार ५ सय चेक रकम ३ करोड ५६ लाख ७३ हजार ५ सय सन्तानव्बे, मोवाईल, ल्याप्टप र बिभिन्न कागजातहरु बरामद गरेको छ ।

गोप्य सूचनाको आधारमा महानगरीय प्रहरीको टोलिले सोमबार काठमाडौं उपत्यकाको न्यूरोड स्थित विभिन्न स्थानहरुमा छापामारी नगद, चेक रकम, विभिन्न बैंकका हस्ताक्षर गरी राखिएका चेकबुकहरु, हुण्डीको कारोवार सहितको बिवरण, हुण्डी कारोबार गरिएको लेजर तथा कागजातहरु समेत बरामद गरेको छ ।