राष्ट्रिय फोटोपत्रकारिता अवार्ड वितरण वैशाख १३ गते

काठमाडौं । राष्ट्रिय फोटोपत्रकार समुहद्धारा आयोजना गरिएको राष्ट्रिय फोटोपत्रकारिता अवार्ड २०७४ यही वैशाख १३ गते वितरण गरिने भएको छ । 

उक्त अवार्ड लगायत अन्य १२ विधाका अवार्ड पुरस्कार नेपाल आर्मी क्लवको विषेश कार्यक्रम गरि वितरण गर्ने समुहले जनाएको छ । लाइफ टाइम अचिभमेन्ट अवार्डवाट एक जना वरिष्ठ फोटोपत्रकारलाई नगद पुरस्कारको राशी ५० हजार सहित ट्रफी र सम्मानपत्रले सम्मानीत गरिनेछ ।

सो अवार्डको मुख्य प्रायोजन ग्लोबल आइएमई बैंकले गर्ने भएको छ । उक्त कार्यक्रमको नाम “ग्लोबल आइएमई राष्ट्रिय फोटोपत्रकारिता अवार्ड २०७४” हुने आयोजले जनाएका छन् । साथै लाइफटाइम अचिभमेन्ट फोटोपत्रकारिता अवार्ड विधा पनि ग्लोबल आइएमई वैकको नामवाट वितरण गरिने भएको छ ।

मंगलबार औपचारिक रुपमा आयोजक संस्थाका संयोजक प्रदिपराज वन्त र प्रायोजक संस्थाको तर्फवाट प्रमुख वजार व्ययस्थापक गणेश अवस्थी विच सम्झौतापत्रमा हस्ताक्षर भएको छ ।