बढ्यो पेट्रोलियम पदार्थको मुल्य, खाना पकाउने ग्यासमा एकैपटक बढ्यो २३५ रुपैयाँ

काठमाडौं । सरकारले पेट्रोलियम पदार्थको मुल्य बढाएको छ । खाना पकाउने ग्यासको पनि मुल्य बढाएको छ । वृद्धि भएको मूल्य आज मध्यरातिदेखि नै लागू हुनेछ ।

नेपाल आयल निगमले इन्डियन आयल कर्पोरेसनबाट प्राप्त नयाँ खरिद मूल्यअनुसार पेट्रोल प्रतिलिटर ४ रुपैयाँ र डिजेलरमट्टितेलमा ३ रुपैयाँ बढाइएको हो ।

खाना पकाउने ग्यासमा भने एकैपटक २३५ रुपैयाँ मूल्य बढेको आयल निगमले बिहीबार साँझ विज्ञप्तिमार्फत जनाएको छ ।

नयाँ मूल्य अनुसार ग्यास प्रतिसिलिन्डर १ हजार ८९५ पुगेको छ । यसअघि ग्यास सिलिन्डरको १ हजार ६६० थियो । यसअघि पेट्रोल काठमाडौंमा प्रतिलिटर १८२ र डिजेलरमट्टितेल प्रतिलिटर १७० पुगेको छ । पेट्रोल १७८ र डिजेलरमट्टितेल १६७ रुपैयाँ थियो ।