देशभर थप १५९ जनामा कोरोना पुष्टि, २६४ संक्रमित डिस्चार्ज 

काठमाडौँ । नेपालमा पछिल्लो २४ घण्टामा थप १५९ जना कोरोना संक्रमित थपिएका छन्। यससँगै देशभर कोरोना संक्रमितको कुल संख्या २ लाख ७१ हजार ११८ पुगेको छ।

स्वास्थ्य तथा जनसंख्या मन्त्रालयका अनुसार सोमबार २६४ जना कोरोना संक्रमित डिस्चार्ज भएका छन्। हालसम्म डिस्चार्ज हुनेको संख्या २ लाख ६६ हजार ६०० पुगेको छ।

हाल देशभर २ हजार ४ सय ८९ जना सक्रिय संक्रमित रहेका छन्। गत चौबीस घन्टामा ४ हजार १ सय ४५ पीसीआर परीक्षण भएको छ।