थप १५७ जनामा संक्रमण पुष्टि, ५ जनाको मृत्यु

काठमाडौं । पछिल्लो २४ घण्टामा १५७ जनामा कोरोना संक्रमण पुष्टि भएको छ । यस्तै आज ९शुक्रबार० ३३३ जना संक्रमित डिस्चार्ज हुँदा ५ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।

स्वास्थ्य मन्त्रालयका अनुसार आज क्वारेन्टिनमा १११ जना रहेका छन् भने ३ हजार २२ जना सक्रिय संक्रमित छन् ।

योसँगै देशभर कोरोना संक्रमितको कुल संख्या २ लाख ७० हजार ७४५ पुगेको छ । संक्रमितमध्ये २ लाख ६५ हजार ६९८ जना निको भइसकेका छन् भने मृतक संख्या २ हजार २५ पुगेको छ ।