काठमाडौँ उपत्यकामा १०३८ कोरोना संक्रमित, देशभर थपिएकामध्ये दुई तिहाइभन्दा बढी

काठमाडौँ । काठमाडौँ उपत्यकामा बुधबार थप १०३८ जना कोरोना संक्रमित थपिएका छन्।

स्वास्थ्य मन्त्रालयका अनुसार काठमाडौँका ८२२, भक्तपुरका ४८ तथा ललितपुरका १६८ जनामा संक्रमण पुष्टि भएको हो।

यसैगरी नेपालमा पछिल्लो २४ घण्टामा १४४२ जना कोरोना संक्रमित थपिएका छन्। देशभर थपिएका कोरोना संक्रमितमध्ये ७१ प्रतिशतभन्दा बढी काठमाडौँका छन्।