कोरोना संक्रमणबाट नेपाल जेसिजका पूर्वउपाध्यक्ष मृत्यु

दमक । कोरोना भाइरस संक्रमित नेपाल जेसिजका पूर्वउपाध्यक्ष एवं पूर्वगाविस सचिव कुमुदचन्द्र झाको बिहान मृत्यु भएको छ ।

भद्रपुर–५ का ६३ वर्षीय झा बिहान सवा ४ बजेतिर मृत्यु भएको स्वास्थ्य कार्यालय झापाले जनाएको छ । झा भद्रपुर जेसिजका सन् १९९६ का अध्यक्ष एवं नेपाल जेसिजका पूर्व राष्ट्रिय उपाध्यक्ष रहेका थिए ।

कार्यालयका कोरोना फोकल पर्सन जीवन चौंलागाईंका अनुसार मेची प्रादेशिक अस्पतालमा स्वाबको पीसीआर परीक्षण गराउँदा कात्तिक २१ गते उनको रिपोर्ट पोजेटिभ आएको थियो ।