धनकुटावासीलाई खुसीको खबर, धनकुटामै कोरोना परिक्षण ल्याब सञ्चालनमा आउँदै
धनकुटा । देशभर कोरोना संक्रमण बढिरहेका बेला सरकारले कोरोना परिक्षणको दायरा पनि बढाइरहेको छ । तर जनशक्तिको अभावमा कारोना परिक्षणको दर एकदम न्युन छ ।
यसैक्रममा धनकुटामा पिसिआर परिक्षण ल्याब सञ्चालन गरिने भएको छ । हाल प्रदेश नं. १ मा विराटनगर र धरानमा मात्रै पिसिआर परिक्षण हुँदै आएको छ ।
प्रदेश नं. १ को पहाडी जिल्लाहरु धनकुटा, तेह्रथुम, भोजपुर र संखुवासभा गरी ४ जिल्लामा कोरोना संक्रमण परिक्षण गराउन सहज बनाउने गरी धनकुटामा पिसिआर परिक्षण ल्याव सञ्चालनमा ल्याउन लागिएको हो ।
धनकुटामा पिसिआर परिक्षण ल्याव सञ्चालनका लागि धनकुटाबाट प्रतिनिधित्व गर्ने संघीय सांसद राजेन्द्र राईले स्वास्थ्य तथा जनसंख्या मन्त्री भानुभक्त ढकालसहित सरकारसँग समन्वय गरेका थिए । सांसद राईको पहलमा धनकुटामा कोरोना परिक्षण ल्याव सञ्चालनमा आउन लागेको हो । त्यसका लागि स्वास्थ्य मन्त्रालयले आवश्यक प्रक्रियाको थालनी गरिरहेको सांसद राईले बताए ।
धनकुटामा कोरोना परिक्षणका लागि पिसिआर ल्याव सञ्चालनमा आएपछि प्रदेश नं. १ का ४ वटा जिल्लाका लागि कोरोना परिक्षणमा सहज हुनेछ । हालसम्म धनकुटा, भोजपुर र संखुवासभामा कोरोना संक्रमण देखिएको छ ।
यता, सांसद राईले एकसाताअघि मात्रै धनकुटामा कोरोना संक्रमण बढ्दै गएपछि साढे ६ लाख रुपैयाँ बराबारको औषधि जिल्ला पठाएका थिए । जिल्लाको सो अभावलाई टार्न सांसद राईले १० दिनअघि भिटिएम (प्याकिङ मेटेरियलसहित) ५ सय थान, गान ५० थान, फेस सिल्ड १० पिस, एन ९५ मास्क १ सय थान, सर्जिकल क्याप ५० थान धनकुटा पठाएका थिए ।
प्रतिकृया दिनुहोस