कांग्रेसले दोस्रो चरणको राष्ट्रिय जागरण अभियान गर्ने

कांग्रेसले दोस्रो चरणको राष्ट्रिय जागरण अभियान गर्ने

काठमाडौँ । कांग्रेसले दोस्रो चरणको राष्ट्रिय जागरण अभियान गर्ने भएको छ । बुधबार (भोलि) नेपाली कांग्रेसले पार्टीको दोस्रो चरणको राष्ट्रिय जागरण अभियानको कार्यक्रम घोषणा गर्ने भएको हो । नेपाली कांग्रेसका प्रवक्ता विश्वप्रकाश शर्माले मंगलबार बसेको पार्टी केन्द्रीय कार्यसमितिले आवश्यक निर्णय लिने र बुधबार अपरान्ह ३ बजे पत्रकार सम्मेलनमार्फत् सो कार्यक्रमको घोषणा गर्ने जानकारी दिएका हुन् ।

मंगलबार जारी केन्द्रीय कार्यसमिति बैठकमा पार्टीको म्याद सकिएका केन्द्रीय भातृ संगठनहरूको केन्द्रीय कार्यसमितिको म्याद थप गर्ने विषयमा पनि छलफल जारी छ । त्यसैगरी विदेशस्थित ३५ वटा जनसम्पर्क समितिहरूको पनि म्याद थप गर्ने विषयमा पनि केन्द्रीय कार्यसमितिले आजै टुंगो लगाउने कांग्रेसले जनाएको छ ।

प्रवक्ता शर्माले पार्टी केन्द्रीय कार्यसमितिको बैठक आजै सकिने र भोलि अपरान्ह ३ बजे पत्रकार सम्मेलन गरी पार्टीको निर्णय सार्वजनिक गर्ने कार्यक्रम तय गरिएको पनि बताए । कांग्रेस केन्द्रीय कार्यसमितिको जारी बैठकमा पार्टीको विधान लगायतका १४ बुँदे एजेन्डामाथि छलफल तय गरेको थियो ।

प्रतिकृया दिनुहोस

साताको लोकप्रिय

२१ वर्षसम्म बाबुले गरे आमाको सहयोगमा छोरीलाई बारम्बार बलात्कार 

काठमाडौँ । यौन हिंसाको घटना विश्वभरका लागि एउटा समस्या बन्दै गइरहेको छ । सार्वजनिक ठाउँमा होस् पर...