बेलायतमा कोराना संक्रमणबाट ६० जना नेपालीको मृत्यु
काठमाडौं । कोरोना भाइरसको संक्रमणबाट बेलायतमा ज्यान गुमाउने नेपालीको संख्या ६० पुगेको छ ।
लण्डनस्थित नेपाली दूतावासले अहिलेसम्म ५० जना पुरुष र १० जना महिलाको कोरोना भाइरसको संक्रमणबाट मृत्यु भएको जनाएको छ ।
ज्यान गुमाउनेहरुमध्ये ४९ जना पूर्वगोरखा र उनीहरुको परिवारका सदस्य छन् भने ११ जना अन्य रहेका छन् । यसअघि ४४ जनाको मृत्यु भएको थियो ।
दूतावासका प्रवक्ता शरदराज आरनले गोरखा वेलफेयर ट्रष्ट, गोरखा भूतपूर्व सैनिकका संस्था तथा बेलायत सरकारले उपलब्ध गराएका तथ्याङ्कलाई पुर्नपुष्टि गरेर यो तथ्याङ्क सार्वजनिक गरिएको जानकारी दिएका छन् । थप पाँच जनाको भने पुर्नपुष्टि हुन बाँकी नै रहेको दूतावासले जनाएको छ ।
प्रतिकृया दिनुहोस