बाढीले बगाउँदा रामेछापमा एक बालको मृत्यु
रामेछाप । रामेछापमा बाढीले बगाउँदा एक जना बालको ज्यान गएको छ । दोरम्बा गाउँपालिका–३ टोकपुरस्थित निगुरेमा आएको बाढीले बगाएर मंगलबार ११ वर्षीय अनिष श्रेष्ठको मृत्यु भएको हो । स्थानीय भीमसेन खोलामा तर्ने क्रममा अचानक आएको बाढीले उनलाई बगाएको थियो ।
उनीसँगै रहेका हजुरबुबा भीमसेनलाई पनि बगाएको थियो । हजुरबुवा भने करिब ५० मिटर तल पुगेर निस्किएका थिए । अनिष धन्यश्वरी आधारभूत विद्यालय निगुरेमा कक्षा ५ मा अध्ययनरत छात्र भएको विद्यालयका शिक्षक तेज नगरकोटीले जानकारी दिए ।
प्रतिकृया दिनुहोस