नेप्से ९ अंकले बढेर ११ सय ९१ विन्दुमा

काठमाडौं  । सोमबार पनि पुँजीबजारमा सुधार आयो । यसदिन सेयरबजार परिसूचक नेप्से ९ अंकले बढेर ११ सय ९१ विन्दुमा पुग्यो । आइतबार पनि नेप्से १७ अंकले बढेको थियो ।

यसदिन टेलिकम सूचीकृत अन्य र होटल समूहबाहेक अरु कारोबार भएका सबै समूहमा वृद्धि आएसँगै नेप्से बढेको हो ।

यसदिन जीवनबिमा समूह सबैभन्दा उच्च १६७ अंकले बढ्यो । यस्तै, निर्जीवन बिमा समूह १५३ अंकले, लघुवित्त समूह ३६ अंकले उक्लियो भने वाणिज्य बैंक समूहमा पनि करिब ५ अंकको सुधार आयो ।

यसदिन १७० कम्पनीका २९ लाख ५१ हजार कित्ता सेयर ९० करोड ६९ लाख रुपैयाँ बराबरमा खरिद–बिक्री भएको नेपाल स्टक एक्सचेन्जले जनाएको छ ।