टिपरको ठक्करबाट एकको मृत्यु
रामेछाप । तामाकोशीमा टिपरको ठक्करबाट एक महिलाको मृत्यु भएको छ ।
लिखु तामाकोशी गाउँपालिका वडा नम्बर ४ की ५५ वर्ष सूर्यमाया तामाङलाई बा १ क ७७५४ नम्बरको टिपरले ठक्कर दिँदा सोमबार महिलाको घटनास्थलमै ज्यान गएको हो ।
सूर्यमाया सहकारीमा पैसा बचत गरेर घर फर्कंने क्रममा टिपरले सडकमा ठक्कर दिएको हो ।
प्रहरीले टिपर चालक उमेश पाण्डेलाई नियन्त्रणमा लिएको जिल्ला प्रहरी कार्यालय रामेछापका प्रहरी निरीक्षक राजेन्द्रकुमार थापाले जानकारी दिए ।
प्रतिकृया दिनुहोस