आकस्मिक अनुगमन गर्न यातायात कार्यालयमा पुगे मन्त्री श्रेष्ठ

काठमाडौं । उपप्रधान एवम् भौतिक पूर्वाधार तथा यातायात मन्त्री नारायणकाजी श्रेष्ठ ललितपुरको एकान्तकुनास्थित यातायात कार्यालयमा आकस्मिक अनुगमन गर्न पुगेका छन् ।

कार्यालयको कामकारबाहीको विषयलाई लिएर सेवाग्राहीबाट गुनासो आएपछि मन्त्री श्रेष्ठ आकस्मिक अनुगमन गर्न पुगेका हुन् । उनले कार्यालयका प्रमुख राजकुमार कपालीसँग कार्यालयको कामकारबाहीबारे जानकारी लिएका छन् ।

उनका प्रमुख स्वकीय सचिव विजय गौतमले यातायात कार्यालयबाट हुने काम कारबाहीका विषयमा सेवाग्राहीहरुबाट धेरै गुनासो आएकाले मन्त्री श्रेष्ठ आकस्मिक अनुगमनमा आएको बताए ।