धनकुटा कारागारमा छथरजोरपाटी गाउँपालिकाद्धारा टिभी हस्तान्तरण

धनकुटा । कैदीबन्दीलाई विश्वकपको फाइनल हेर्न सजिलो होस् भनेर छथरजोरपाटी गाउँपालिकाले धनकुटाका कैदीबन्दीलाई टेलिभिजन प्रदान गरेको छ ।

धनकुटा कारागारमा रहेका कैदी बन्दीलाई गाउँपालिका अध्यक्ष छत्र सुब्बा, वडा नं. २ का वडाध्यक्ष कृण्ण मगर र वडा नं. ६ का वडाध्यक्ष दिपक गुरूङ सहितको टोलीले ३२ इन्चको टेलिभिजन प्रदान गरेको हो ।

धनकुटा कारागारका विभिन्न मुद्धाका ८३ जना कैदीबन्दी रहेका छन् । उनीहरुलाई विश्वकपका साथै अरु बेला पनि मनोरञ्जन लिन सजिलो होस् भनेर टेलिभिजन हस्तान्तरण गरिएको पालिका अध्यक्ष सुब्बाले बताए ।