जसपाको विदेश विभाग प्रमुखमा अर्जुन थापा नियुक्त

काठमाडौं । जनता समाजवादी पार्टीले अन्तर्राष्ट्रिय सम्बन्ध विभागको प्रमुखमा अर्जुन थापालाई मनोनित गरेको छ ।

अध्यक्ष उपेन्द्र यादवले पार्टीको अन्तरिम विधान २०७७ अनुसार विभागको प्रमुख पदमा मनोनयन गरिएको जानकारी दिएका छन् ।

धनकुटाको मुगामा जन्म भई लामो समयदेखि राजनीति गर्दै आएका थापा यसअघि पनि जनता समाजवादी पार्टीको विदेश विभाग प्रमुख थिए । २०७४ सालमा भएको प्रतिनिधि तथा प्रदेश सभाको निर्वाचनमा धनकुटा निर्वाचन क्षेत्र नं. ख बाट उम्मेदवार बनेका थापा नेकपा एमालेका इन्द्रमणी पराजुलीसँग पराजित बनेका थिए ।