मोरङमा २ जना कोरोना संक्रमितको मृत्यु

विराटनगर । विराटनगरका दुई वटा अस्पतालमा उपचार गराइरहेका झापा र मोरङका गरी २ जना कोरोना संक्रमितको निधन भएको छ ।

कोशी अस्पताल कोभिड–१९ उपचार केन्द्रमा उपचाररत विराटनगर महानगरपालिका–३ का ७० वर्षीय वृद्धको आइतबार साँझ मृत्यु भएको हो ।

त्यस्तै नोबेल शिक्षण अस्पतालमा उपचाररत झापाको दमक नगरपालिका–२ का ७२ वर्षीय वृद्ध पुरुषको मृत्यु भएको छ । कोरोना पोजिटिभ आएपछि उनलाई उपचारका लागि कात्तिक १२ गते आइसोलेसनमा भर्ना गरिएको थियो । उनको आइतबार साँझ नै मृत्यु भएको हो ।