कोरोना संक्रमित धनकुटाका सांसद पराजुलीको आइसियुमा उपचार हुँदै

धनकुटा । कोरोना संक्रमण पुष्टि भएका धनकुटाका प्रदेश सांसद इन्द्रमणी पराजुली आईसीयूमा भर्ना भएका छन् ।

संक्रमण पुष्टि भएपछि धनकुटामै ‘होम आईसोलेशन’ बस्दै आएका सांसद पराजुलीको स्वास्थ्यमा समस्या आएपछि थप उपचारका लागि बिराट मेडिकल कलेजको आइसियुमा भर्ना भएका हुन् ।

नेकपाका नेतासमेत रहेका सांसद पराजुलीसहित उनका सवारी चालकमा कात्तिक ४ गते कोरोना संक्रमण पुष्टि भएको थियो । पराजुली धनकुटा क्षेत्र नं. २ का निर्वाचित प्रदेश सांसद हुन् ।

मोरङको बुढिगैगामा रहेको मेडिकल कलेजमा भर्ना भएका सांसद पराजुलीको स्वास्थ्य अवस्थामा भने सुधार भएको छ । अहिले सांसद पराजुलीको स्वास्थ्यमा सुधार देखिएको उनकी श्रीमती सीता पराजुलीले बताइन् ।