डा. गोबिन्द केसीको समर्थनमा माइतीघरमा मौन प्रदर्शन

काठमाडौँ । चिकित्सा शिक्षा र स्वास्थ्य क्षेत्रमा  देखिएका विकृति सुधारको माग गर्दै अनसनरत डा. गोबिन्द केसीको समर्थनमा मौन प्रदर्शन गरिएको छ ।

आज (शनिबार)  सोलिडारिटी फर डा.गोविन्द केसी समूहले काठमाडौंको माइतीघर मण्डलामा डा.केसीको समर्थनमा मौन प्रदर्शन गरेका हुन् ।

अनसनको २० औं दिन पुगिसक्दा पनि सरकारले डा. केसीको मागप्रति कुनै चासो नदेखाएको भन्दै प्रदर्शनकारीहरुले खेद व्यक्त गरेका छन् ।

 उनीहरुले ‘स्वास्थ्य र शिक्षामा माफिया तन्त्र बन्द गर’, ‘डा.गोविन्द केसी जिन्दाबाद’,‘आई एम विथ डा.गोविन्द केसी’, लगायतका प्लेकार्डसहित प्रदर्शन गरेका हुन् । हाल डा.केसी त्रिवि शिक्षण अस्पतालको आकस्मिक कक्षमा अनसनरत छन् ।