कोरोना संक्रमितको संख्या ४८ हजार नाघ्यो, पछिल्लो २४ घन्टामा थपिए ९०२ जना संक्रमित

काठमाडौं । पछिल्लो समय नेपालमा कोरोना संक्रमितको संख्या बढेको बढ्यै छ । कोरोना संक्रमितको संख्या ४८ हजार नाघेको छ । पछिल्लो २४ घन्टामा देशभर ९ सय २ जनामा कोरोना संक्रमण देखिएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले विभिन्न जिल्लामा पछिल्लो २४ घन्टामा थपिएका ९ सय २ जनासहित देशभर संक्रमितको संख्या ४८ हजार १ सय ३६ पुगेको जानकारी दिए ।

संक्रमितमध्ये ३२ हजार ९ सय ६७ जना निको भएर घर फर्किएका छन् ।