परिक्षा दिएर फर्किँदै गरेकी रसाइलीको करेन्ट लागेर मृत्यु, एक घाइते
गुल्मी । गुल्मीमा परिक्षा दिएर फर्किँदै गरेकी छात्रको मृत्यु भएको छ । अर्की छात्र गम्भीर घाइते भएकी छन् ।
गुल्मीको मालिका गाउँपालिकामा करेण्ट लागेर कक्षा ११ को परिक्षा दिएर फर्किदै गरेकी मालिमा –१ नेटा, भलखाँडाकी विनिता रसाइलीको मृत्यु भएको हो ।
अर्जे माविमा कक्षा ११ को परिक्षा दिएर फर्कदै गर्दा मालिमा ५ छापहिलेको रँग भन्ने ठाउँमा बाटो छेउमा रहेको हाइटेन्सन लाइनको पोलमा करेण्ट लागेर रसाइलीको मृत्यु भएको इश्मा प्रहरी चौकीले जनाएको छ ।
उनी सँगै रहेकी मालिका गाउँपालिका ६ अर्जेकी जुना विक गम्भिर घाइते भएकी छन् । घाइतेलाई उपचारका लागि अस्पत्ताल पठाइएको प्रहरीले जनाएको छ ।
साथीसाथी रहेका उनीहरूले एकआपसमा हात समातेर हिंडिरहेको बेला करेन्ट लागेको प्रत्यक्षदर्शीको भनाइ छ । गुल्मीमा पोलमा करेण्ट चुहीएर मानिसको मृत्यु हुने घटना हरेक वर्ष हुने गरेका छन् ।
नेपाल विद्युत प्राधिकरणको लापरवाहीका कारण यस्ता घटना हुने गरेको स्थानीयको आरोप छ ।
प्रतिकृया दिनुहोस