प्रमुख निर्वाचन आयुक्तमा सिफारिस थपलियाविरुद्ध उजुरी आह्वान
काठमाडौं । संसदीय सुनुवाई समितिले संवैधानिक परिषदबाट सिफारिस निर्वाचन आयोगका प्रमुख र समावेशी आयोगको सदस्यमा सिफारिस विरुद्ध १० दिने उजुरी आव्हान गरेको छ ।
समितिले निर्वाचन आयोगको प्रमुखमा संवैधानिक परिषदबाट सिफारिस दिनेश थपलिया र समावेशी आयोगको सदस्यमा सिफारिस विष्णुमाया ओझाविरुद्ध उजुरी आव्हान गरेको हो ।
आज बसेको समितिको बैठकमा संसदीय सुनुवाई विशेष समितिका सभापति लक्ष्मणलाल कर्णले उहाँहरुको नाममा कुनै उजूरी भए चैत्र २९ गतेसम्म टिपाउन अनुरोध गरे ।
संवैधानिक परिषदले चैत ११ गते निर्वाचन आयोगको प्रमुखका लागि थपलिया र समावेशी आयोगको सदस्यमा विष्णुमाया ओझाको नाम सिफारिस गरेको थियो ।
प्रतिकृया दिनुहोस