४ वटा सवारी एकैपटक ठोक्किँदा २० जना घाइते

हेटौंडा । हेटौंडामा ४ वटा सवारी एक आपसमा ठोक्किएर दुर्घटना हुँदा २० जनाभन्दा बढी घाइते भएका छन् ।

पूर्वपश्चिम राजमार्गअन्तर्गत हेटौंडा–१५ रातोमाटेमा ४ वटा सवारी एक आपसमा ठक्कर खाएर दुर्घटना हुँदा २० जना घाइते भएका हुन् ।

जिल्ला प्रहरी कार्यालय मकवानपुरका प्रहरी प्रवक्ता डिएसपी टेकबहादुर कार्कीका अनुसार दुर्घटनामा विद्यार्थी, ट्रक चालक, सहचालक, कारका चालक गरी २० जनाभन्दा बढी व्यक्ति घाइते भएका छन् ।

उनीहरुको हेटौंडा अस्पताल र चुरेहिल अस्पतालमा उपचार भइरहेको छ। सबैको अवस्था सामान्य रहेको कार्कीको भनाइ छ ।