जाजरकोटमा जीप दुर्घटना हुँदा ३ जनाको मृत्यु ,८ जना घाइते

काठमाडौँ । जाजरकोटको जुनीचाँदे गाउँपालिका–५ मा जीप दुर्घटना हुँदा तीन जनाको ज्यान गएको छ । प्रहरीका अनुसार दुर्घटनामा परि ८ जना घाइते भएका छन् । घाइतेमध्ये चार जनाको अवस्था गम्भीर छ । सुर्खेतबाट जाजरकोटका लागि छुटेको क ०२–००१ च ०३४१ नम्बरको जीप दुर्घटना भएको हो ।

दुर्घटनामा गम्भीर घाइतेको उद्धारका लागि हेलिकप्टर पठाइसकिएको जनाइएको छ । उता गृहमन्त्री बालकृष्ण खाणले हेलिकप्टरमार्फत घाइतेको उद्धार गर्न निर्देशन दिएका छन् ।