रोकिएन काठमाडौँ उपत्यकामा कोरोना संक्रमितको संख्या, एकैदिन थपिए १७४६ संक्रमित  

काठमाडौँ । नेपालमा कोरोना भाइरसको संक्रमण नियन्त्रण तथा रोकथाम प्रभावकारी भएको छैन । पछिल्लो २४ घण्टामा काठमाडौँ उपत्यकामा थप १ हजार ७ सय ४६ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार काठमाडौँमा १ हजार ४ सय ५१, भक्तपुरमा १ सय ४३ र ललितपुरमा १ सय ५२ जनामा कोरोना भाइरसको संक्रमण पुष्टि भएको हो ।

पछिल्लो २४ घण्टामा देशभर ३ हजार १ सय ६७ जना संक्रमित थपिएका छन् भने १२ जनाले कोरोनाबाट ज्यान गुमाएका छन् । संक्रमितमध्ये ८९ हजार ८ सय ४० जना निको भएर घर फर्किएका छन् भने ७ सय २७ जनाको कोरोना संक्रमणबाट ज्यान गएको छ ।