बुटवलमा कपिलवस्तुका कोरोना संक्रमितको मृत्यु, नेपालमा मृतकको संख्या १०२ पुग्यो

बुटवल । लुम्बिनी प्रादेशिक अस्पताल बुटवलमा उपचाररत थप एकजना कोरोना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या १ सय २ पुगेको छ ।

आज बिहान मृत्यु भएका कपिलवस्तुका ती बिरामी तीन दिनअघि अस्पताल भर्ना भएका थिए ।

उनको फोक्सोमा समस्या देखिएको र आइसीयुमा राखेर उपचार गर्ने क्रममा मृत्यु भएको अस्पतालका प्रवक्ता डा. विष्णु गौतमले जानकारी दिए । ४२ वर्षीय ती पुरुषलाई आइसीयुमा राखी उपचार गरिँदै थियो ।

डा. गौतमका अनुसार ती बिरामीको सुरुको रिपोर्ट नेगेटिभ आएपनि जिन एक्सपर्ट गरेर परीक्षण गर्दा कोरोना भाइरस संक्रमण पुष्टि भएको हो ।