कोरोना संक्रमणबाट जनकपुरका पूर्व मेयर गिरीको काठमाडौंमा मृत्यु

काठमाडौं । जनकपुरका पूर्वमेयर कृष्ण गिरीको कोराना भाइरस संक्रमणको कारण मंगलबार राति काठमाडौंमा मृत्यु भएको छ ।

७३ वर्षीय गिरी १५ दिनअघि कोरोना भाइरस संक्रमण पुष्टि भएपछि थप उपचारका लागि काठमाडौंको मेडिसिटी अस्पतालमा भर्ना भएकाथिए । तर, गिरीको मंगलबार राति १२ बजेर १० मिनेटमा मृत्यु भएको हो ।

गिरीलाई कोरोना भाइरस संक्रमण पुष्टि भएपछि श्री एयरलायन्सको विमान चार्टर गरेर काठमाडौं ल्याइएको थियो । तर उनको उपचारकै क्रममा मंगलबार राती मृत्यु भएको हो ।

जनकपुरको मिल्स एरियास्थित रामा होटलका सञ्चालकसमेत हुन् । नेपाल परिवार नियोजन संघ धनुषाको २५ वर्षसम्म अध्यक्ष रहेका मृतक गिरी ०४४–०४५ सालमा जनकपुर नगरपालिकाको मेयर भएका थिए ।

नेपाली कांग्रेसको महासमिति सदस्य समेत रहेका गिरीको दुई छोरा र श्रीमती छन् । उनका दुवै छोरा डाक्टर हुन् ।