काभ्रेमा थप ५ जनामा कोरोना

काभ्रे । काभ्रेमा थप ५ जनामा कोरोना संक्रमण पुष्टि भएको छ। जिल्लामा चार प्रहरी र भुम्लु गाउँपालिका  ६ का एक युवामा सोमबार पिसिआर रिपोर्ट पोजिटिभ देखिएको हो।

संघीय प्रहरी कार्यालयमा कार्यरत तीन प्रहरी र जिल्ला प्रहरी कार्यालयमा कार्यरत एक जनामा कोरोना देखिएको छ। संघीय प्रहरी कार्यालयमा कोरोना संक्रमितको संख्या १० पुगेको छ।

संक्रमण देखिएका सबैलाई आइसोलेसनमा राखेर थप उपचार गर्न सुरु गरिएको जिल्ला स्वास्थ्य कार्यालय काभ्रेका डा नरेन्द्र कुमार झाले जानकारी दिए।