स्वाब संकलनको लागि काठमाडौँ उपत्यकामा तोकियो १४ अस्पताल

काठमाडौँ । कोरोना परिक्षणको लागि सरकारले काठमाडौँ उपत्यकामा १४ अस्पताललाई स्वाव संकलन केन्द्रको रुपमा तोकेको छ ।

स्वास्थ्य तथा जनसंख्या मन्त्रालयले मंगलबार एक सूचना प्रकाशित गर्दै उपत्यकाको १४ वटा अस्पताललाई स्वाब संकलनको लागि तोकिएको जानकारी दिएको  हो । स्वास्थ्य मन्त्रालयले जोखिमयुक्त स्थानबाट आएका र कोरोना संक्रमणको शंका लागेका व्यक्तिले नजिकको स्वाब संकलन केन्द्रमा गइ परिक्षण गराउन आग्रह गरेको छ ।

मन्त्रालयले पाटन अस्पताल, भक्तपुर अस्पताल, सिभिल, केएमसी, त्रिवि शिक्षण, वीर, टेकु, सशस्त्र प्रहरी अस्पताल रहेका छन्। यस्तै, विरेन्द्र अस्पताल, प्रशुती, स्टार, ह्याम्स, नेपाल प्रहरी र नेपाल कोरिया मैत्री अस्पतालले स्वाव संकलन गरिरहेका छन्।

मन्त्रालयले यी लगायत सम्पूर्ण हव अस्पतालहरु, कोभिड क्लिनिक अस्पतालहरु, कोभिड अस्पताल लेभल १,२,३ अस्पतालहरु तोकिएको जनाएको छ।