उपत्यकामा बढ्यो चिसो, छिटफुट वर्षा सुरु

काठमाडौं । उपत्यकासहित देशका केही पहाडी भूभागमा सोमबार चिसो बढेको छ । काठमाडौं उपत्यकामा छिटफुट वर्षा पनि भइरहेको छ ।

मौसमविद्लेहरुका अनुसार पश्चिमी वायुको प्रभावका कारण सोमबार उच्च पहाडी तथा हिमाली भेगमा हिमपातकोसमेत सम्भावना छ ।

सोमबार काठमाडौंको न्युनतम तापक्रम १ दशमलव ८ डिग्री सेल्सियस रहेको छ । गएको शनिबारदेखि काठमाडौंको न्युनतम तापक्रम बढिरहेको जल तथा मौसम पूर्वानुमान महाशाखाले जनाएको छ ।

मंगलबार देशको पश्चिमी तथा पूर्वी पहाडी भेगमा आंशिक बदलि रहने र बाँकी भूभागमा मौसम सामान्यतया सफा रहने देखिन्छ ।

राति देशको पश्चिमि पहाडी भूभागमा आंशिक बदलि रहने र बाँकी भूभागमा मौसम सामान्यतया सफा रहने देखिन्छ ।

बुधबार दिउँसो देशको पहाडी भेगमा आंशिक बदली हुने र बाँकी भूभागमा मौसम सामान्यतया सफा रहने बताइएको छ ।