प्रधानन्यायाधीश जबराविरुद्ध आज सर्वोच्चदेखि बालुवाटारसम्म ‘मार्चपास’ हुने

काठमाडौँ । प्रधानन्यायाधीश चोलेन्द्रशमशेर राणालाई पदमुक्त गर्न माग गर्दै आज सर्वोच्च अदालतदेखि बालुवाटारसम्म मार्चपास गरिँदैछ।

प्रधानन्यायाधीश जबराको राजीनामा माग गर्दै आन्दोलनरत नेपाल बार एसोसियसन र अन्य पेशागत संघसंस्थाले आज दिउँसो २ बजे संयुक्त रुपमा ‘न्याय मार्चपास’ गर्न लागेका हुन्।

नेपाल बार, सर्वोच्च बार, बृहत् नागरिक आन्दोलन, नेपाल शिक्षक महासंघ, नेपाल पत्रकार महासंघ, नेपाल इन्जिनियर्स एसोसियसन, नेपाल जनस्वास्थ्य संघ र नेपाल आदिवासी जनजाति महासंघको आयोजनामा मार्च पास हुँदैछ।

चरणबद्ध आन्दोलनमा रहेको बारले यसअघि प्रतिनिधिसभामा प्रतिनिधित्व गर्ने राजनीतिक दललाई ध्यानाकर्षणपत्र बुझाइसकेको छ।

बारले कालोपट्टि बाँधेर सर्वोच्च अदालतमा विरोध तथा धर्ना कार्यक्रम गर्दै आएको छ। यो कार्यक्रम आज पनि बिहान १० बजे सुरु भएको छ।