रक्सीले ओभर ह्याङ भए कसरी हटाउन सकिन्छ ? यस्तो छ सजिलो उपाय

काठमाडौं । क्सी सेवनका अनेक बाहना हुन्छन् । त्यसमा पनि गुड फ्राइडे त सबैको मुखमा बसेको शब्द हो । शुक्रबार बेलुका अत्यधिक मदिरा सेवनले भोलिपल्टसम्म त्यसको असर रहिरहन्छ ।

अघिल्लो दिनको साथीभाइसँगको रमाइलो भोलिपल्टको ह्याङ्ओपरले सताउँदछ । तर यसबाट राहत महशुस गर्न केही घरेलु उपायहरु अपनाउन सकिन्छ । त्यसका लागि निम्न उपाय अपनाएर ह्याङओभर हटाउन सकिन्छ ।

– ह्याङओभर भएको बेला शरीरमा ग्लुकोजको मात्रा कम हुने भएकाले आलस्य र कमजोरी हुन्छ । यस्तोमा एक ग्लास गोलभेँडाको जुस खानाले शरीरमा चिनीको मात्रा सन्तुलनमा आउँछ । यसले पेटलाई पनि शीतल गर्छ ।

– कुरिलोमा अल्कोहल काट्ने तत्व हुन्छ । त्यसैले मदिरा खानुअघि र भोलिपल्ट पनि कुरिलोको तरकारी अथवा अचार खानु फाइदाजनक हुन्छ ।
– अण्डा खानुपर्छ । अण्डामा हुने एमिनो एसिडले ह्याङओभरग्रस्त शरीरमा रहेका टक्सिनलाई कम गर्छ । अण्डामा प्रचुर मात्रामा पाइने भिटामिन बी पनि ह्याङओभर हटाउन उपयोगी हुन्छ ।

– ह्याङओभर भएको बेला शरीरमा पानीको मात्रा निकै कम हुन्छ । त्यसैले यस्तो बेलामा प्रशस्त मात्रामा पानी पिउनु पर्छ । सकभर नरिवलको पानी पिउनाले यसमा भएको चिनीको मात्रा कम र इलेक्ट्रोलाइट्सलगायत खनिज प्रशस्त हुनाले ह्याङ भएको शरीरलाई राहत दिन्छ ।
– ह्याङओभर भएको बेलामा अदुवाको टुक्रो लाभदायी हुन्छ ।

– ह्याङओभरमा शरीरको पोटासियम कम भएको हुन्छ । पोटासियम कम हुँदा मांसपेशी कमजोर हुने, जीउ दुख्ने, रक्तचाप बढ्ने आदि हुन्छ । त्यसैले ह्याङओभर भएको बेलामा केरा खानुहोस् । यसमा पोटासियमको मात्रा उच्च हुन्छ ।

– कफी अथवा चियाको लत भएकालाई ह्याङओभर भयो भने उनीहरूले हर्बल टी खानु राम्रो हुन्छ । यसले शरीरमा पानीको मात्रा घटाउँदैन । एजेन्सी