भोलीदेखि यो वर्षकै सबैभन्दा धेरै पानी पर्ने : बाढी, पहिरो र डुबानको सम्भावना उच्च

Mausm news

काठमाडौं । बिहीबारदेखि चार दिनसम्म देशका विभिन्‍न स्थानमा वर्षकै धेरै पानी पर्ने भएको छ ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणले असार २५ गतेदेखि २८ गतेसम्म यो वर्षकै सबैभन्दा बढी पानी पर्ने जनाएको छ । सबैभन्दा बढी प्रदेश १, २, बाग्मती र गण्डकी प्रदेशमा धेरै पानी पर्ने अनुमान गरिएको छ ।


वैशाखदेखि अहिलेसम्म प्रशस्त पानी परेको भन्दै प्राधिकरणले भनेको छ, ‘भारी वर्षाले बाढी, डुवान र पहिरोको जोखिम बढाइदिएको छ ।’ गृह मन्त्रालय अन्तर्गतको राष्ट्रिय विपद जोखिम न्यूनीकरण तथा व्यवस्थापन प्राधिकरणले बुधबार एक प्रेस विज्ञप्ति जारी गर्दै विपद व्यवस्थापनमा उच्च सतर्क रहन अनुरोध गरेको हो ।

प्राधिकरणका अनुसार भारी वर्षाले बाढी, पहिरो र डुबानको सम्भावना उच्च रहेको छ । यसै पनि वर्षा जारी रहेकाले पहाडी भेगका भू–भाग गलिसकेका छन्, यस्ता ठाउँमा पहिरो जाने सम्भावना बढेर गएको छ ।

झापा, मोरङ, सुनसरी, सप्तरी धनुषा, सिरहा, महोत्तरी, बारा, पर्सा, रौतहट, चितवन लगायत जिल्लाका होचा ठाउँमा डुबानको सम्भाना बढी छ । कनकाई, कोशी, कमला, बागमती, नारायणी तथा त्यसका सहायक नदीमा बाढी बढेर खतरा हुनसक्ने पूर्वानुमान गरिएको छ । लुम्बिनी, कर्णाली र सुदूरपश्चिम प्रदेशमा पनि वर्षाको सम्भावना रहेकाले सतर्कता अपनाउन अनुरोध गरिएको छ ।

शुक्रबारदेखि आइतबारसम्म १ र २ नम्बर प्रदेशका चुरे तथा तराई भएर बग्ने नदीनालामा पानीको सतह बढेर बाढीको खतरा उच्च छ । ‘यी ठाउँका बासिन्दालाई सतर्क रहन विशेष आग्रह गरिन्छ,’ प्राधिकरणका कार्यकारी प्रमुख अनिल पोखरेलले भने ।

यसलाई मध्यनजर गरी विपदमा खटिन संघीय मन्त्रालय, प्रादेशिक सरकार, स्थानीय सरकार, राजनीतिक दल, संयुक्त राष्ट्रसंघीय एजेन्सीहरू, विकास साझेदार, सरकारी(गैरसरकारी संस्था, निजी क्षेत्रलगायत सबैलाई प्राधिकरणले अनुरोध गरेको छ ।

हेर्नुहोस् प्राधिकरणको सूचना

 

 

प्रतिकृया दिनुहोस

साताको लोकपृय

आज साउन २४ गते शनिबार, शनी भगवानको दर्शन गर्दै हेर्नुस् आजको राशीफल

Rashi sabibar shanidev

मेष (चु, चे, चो, ला, लि, लु, ले, लो, अ) आँटेका काम बन्ने सङ्केत छैन । मुख्य काममा बाधा हुने देखिन...