मेघगर्जन र चट्याङसहित मध्यम वर्षा हुने

काठमाडौं । हाल देशभर मनसुनी वायु को प्रभाव कायम रहेको छ । आज दिउँसो देशका सबै प्रदेशहरुमा सामान्य बदली रही सबै प्रदेशका केहि स्थानहरुमा मेघगर्जन र चट्याङसहित हल्का देखि मध्यम वर्षाको सम्भावना रहेको महाशाखाले जनाएको छ ।

यसका साथै मनसुनी न्युन चापीय रेखा पनि नेपाल नजिक रहेको छ । जसअनुसार हाल देशभर आंशिकदेखि सामान्य बदली रहि सुदुर पश्चिम प्रदेश र प्रदेश २ का केही स्थानहरुमा वर्षा भईरहेको जल तथा मौसम पूर्वानुमान महाशाखाले जनाएको छ ।

आज राती देशका सबै प्रदेशहरुमा सामान्य बदली रही सबै प्रदेशका केहि स्थानहरुमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।

प्रदेश १, प्रदेश २ र गण्डकी प्रदेशका एक, दुई स्थानमा भारी वर्षाको सम्भावना रहेको जल तथा मौसम पूर्वानुमान महाशाखाले जनाएको छ ।