रुकुमको बर्बर घटना : भेरीमा जलाइयो ४ जनाकै शव

Lokendra dahasaskar

जाजरकोट । रुकुमपश्चिम चौरजहारी नगरपालिका–८ सोती घटनामा मारिएका ४ जनाको भेरी नदीमा दाहसंस्कार गरिएको छ ।

शनिबार गाउलेको कुटाईबाट नवराज विक, गणेश बुढामगर, लोकेन्द्र सुनार र टिकाराम सुनारको शव भेटिएको थियो । सो घटनामा परी सञ्जु विक र गोविन्द शाही अझैं बेपत्ता छन् ।

बेपत्तामध्ये १८ वर्षीय लोकेन्द्रको शव गोताखोरको टोलीले बुधबार मात्रै भेरी नदिको कुटु भन्ने ठाउँमा भेटिएको थियो । उनी बुधबार मात्रै पोष्ट मार्टम्स गरिएको थियो ।

चार जनाकै शवलाई बिहीबार फरकफरक स्थानमा सामाजिक परम्पराअनुसार भेरी नदीको किनारमा जलाइएको छ ।

मृतक नवराज विक र सोती शुष्मा शाहीबीच लामो समयदेखि प्रेम रहेको र युवतीकै आग्रहमा नवराजले केही साथीहरु लिएर शनिबार बेलुकी सोती गएका थिए ।

नवराजकी प्रेमिका भनिएकी युवती ठकुरी परिवारकी हुन् । युवतीको सरसल्लाहमै नवराज सहितको समूह उनलाई लिन सोती पुगेको थिए । तर गाउँले मिलेर उनीहरुमाथि आक्रमण गरेका थिए ।

यता, शनिबार भएको घटनामा संलग्न रहेको आरोपमा बिहीबार प्रहरीले थप ६ जनालाई पक्राउ गरेको छ । पीडित पक्षले दिएको किटानी जाहेरीका आधारमा उनीहरूलाई पक्राउ गरिएको प्रहरीले जनाएको छ ।

पीडित पक्षले २० जनाको नाममा किटानी जाहेरी दिएका छन् । यसअघि १२ जनालाई प्रहरीले पक्राउ गरेको थियो । जाहेरीमा उल्लेख भएका थप दुई जनाको खोजी भइरहेको रुकुम पश्चिमका प्रहरी प्रमुख डिएसपी ठकबहादुर केसीले बताए ।

पक्राउ पर्नेमा चौरजहारी नगरपालिका ८ का ४२ वर्षीय इन्द्रबहादुर मल्ल, १९ वर्षीय दीपेन्द्र चन्द, ३५ वर्षीय तिलक चन्द, ४६ वर्षीय हर्कबहादुर मल्ल, ४५ वर्षीय लिपेन्द्र मल्ल र २० वर्षीय विनोद मल्ल छन् ।

 

प्रतिकृया दिनुहोस

साताको लोकपृय

आज असार २० गते शनिबार, शनिदेवको पुजा गर्दै आजको राशीफल हेर्दा यस्तो हुन्छ फाइदा

Rashi sabibar shanidev

मेष (चु, चे, चो, ला, लि, लु, ले, लो, अ) मन पर्ने वस्त्र, अलङ्कार आदि उपहार पाइने योग छ । स्वादिष्...