रुकुमको बर्बर घटना : आफ्नो ज्यान बचाउन भेरी नदीमा हाम फाल्ने सुनारले कतिबेला आफुुलाई डोरीले बाँधे त ?

Rukum lokendra sab

जाजरकोट । शनिबार रुकुम पश्चिमको चौरजहारी नगरपालिका–८ सोतीमा भएको घटनाका विषयमा तर्क वितर्क भइरहँदा आज थप एउटा शव भेटिएको छ । सो शब भेटिँदा एउटा प्रश्न खडा गरिदिएको छ, त्यो हो के मरेका र अझैं बेपत्ता भएका २ युवा आफैं भेरीमा हाम फालेकै हुन् त ?

मंगलबार प्रतिनिधिसभाको बैठकमा पूर्व गृहमन्त्री, पश्चिम रुकुमका प्रतिनिधिसभा सदस्य तथा नेकपाका प्रभावशाली नेता जनार्दन शर्माले लकडाउनका समयमा जाजरकोटबाट युवाहरुको समुह आएको र गाउलेले सोधपुछ गर्न खोज्दा भागेर नदीमा हाम फालेको बताएका थिए ।

शर्माले त्यस्तो अभिव्यक्ति दिएपछि पतिपक्ष दलका दलित सांदहरुले होहल्ला गर्न थाले । सोही क्रममा सत्ता पक्षका दलित सांसदहरु पनि शर्माको विरुद्ध उत्रिए । शर्माले संसदलाई गलत रिपोटिङ गरेको भन्दै होहल्ला गरे ।

उनलले त्यो बेला ‘म जिल्लाको प्रतिनिधि हुँ, मैले दलितको कुरा राख्न नपाउने, जिल्लाको यथार्थ कुरा राख्न नपाउने’ त्यतिबेला शर्माको भाषण सुन्नेहरुलाई ठिकै हो भन्ने पनि लागेको थियो । तर, बुधबार बेपत्तामध्ये १८ वर्षीय लोकेन्द्र सुनारको शव गोताखोरको टोलीले भेरी नदिको कुटु भन्ने ठाउँमा भेटाएको छ । त्यो पनि डोरीले बाँधेको अवस्थामा । योसँगै मृतकको संख्या ४ पुगेको छ ।

भेरी नगरपालिका वडा नं. ११ का गोविन्द शाही, वडा नं. ४ का सन्दीप विक अझै बेपत्ता छन् । भेरी नगरपालिका ४ का नवराज विक र गणेश बुढा, चौरजहारीका टीकाराम सुनारको शब यसअघि नै फेला परेको थियो ।

रुकुम पश्चिमका प्रहरी प्रमुख ठगबहादुर केसीका अनुसार डोरीले हात बाँधेको अवस्थामा सुनारको शव फेला परेको छ । उनको टाउकोमा समेत चोट लागेको छ । नवराज बिक मल्ल थरकी आफ्नी प्रेमिकासँग बिहेका लागि ‘भगाउन’ भन्दै १० जेठ साँझ आफ्ना १७ जना साथीसहित प्रेमिका​को गाउँ सोती पुगेका थिए । त्यहाँ पुग्दा नपुग्दै गाउँलेले लखेटेको भनिएको थियो ।

स्थानीयले लखेट्दा उनीहरु भेरी नदीमा हाम फालेको भनेर पूर्वमन्त्री शर्मा र स्थानीयले त्यही भनेका छन् । के आफ्नो ज्यान जोगाउन नदीमा हाम फाल्नेले आफ्नो शरिरमा डोरीले बाँध्न भ्याउँला त ? गम्भीर प्रश्न खडा भएको छ । के अब शर्माले ‘ए, मलाई त प्रहरीले गलत रिपोटिङ पो गरेछ’ भन्न सक्लान त ?

घटनामा पीडित परिवारले जिल्ला प्रहरी कार्यालय जाजरकोटमा २० जनाविरुद्ध किटानी जाहेरी दिएका छन् । वडाध्यक्ष डम्बरबहादुर मल्ल, केटीका बुवा वीरबहादुर मल्ल, आमा प्रकाशी मल्ल, सन्तोष मल्ल, रमेश मल्ल, मोहन पुनमगर लगायतका २० जनाविरुद्ध कर्तव्य ज्यानसम्बन्धी किटानी जाहेरी दिइएका छन् ।

Video

प्रतिकृया दिनुहोस

साताको लोकपृय

आज असार २० गते शनिबार, शनिदेवको पुजा गर्दै आजको राशीफल हेर्दा यस्तो हुन्छ फाइदा

Rashi sabibar shanidev

मेष (चु, चे, चो, ला, लि, लु, ले, लो, अ) मन पर्ने वस्त्र, अलङ्कार आदि उपहार पाइने योग छ । स्वादिष्...