इरानले मिसाइल आक्रमण गरेर बोइङ दुर्घटना गराएको आरोप

Px6c3exxfwkvnsl77sn3

काठमाडौँ । पश्चिमी नेताहरुले इरानले मिसाइल आक्रमण गरेर युक्रेनको बोइङ दुर्घटना गराएको आरोप लगाएका छन् । राजधानी तेहरान नजिकै दुई दिनअघि भएको दुर्घटनामा १७६ जनाको मृत्यु भएको थियो ।

क्यानडा र बेलायतका नेताहरुले उक्त दुर्घटनाको प्रभावकारी रुपमा छानविन गर्न मागसमेत गरेका छन् । इरानले आफ्नो प्रतिरक्षा प्रक्षेपणबाट मिसाइल हमला नगरेको दाबी गरेको छ ।

उसले आफूमाथि लगाइएको आरोपको खण्डनसमेत गरेको छ । इरानले अमेरिकी सेना बस्ने दुई वटा एयर बेसमा हमला गरेको केही समयमै यो दुर्घटना भएको थियो । अमेरिकी सेनाले ड्रोन आक्रमण गरेर इराकी सेनाका उच्च अधिकारी कासेम सोलेमानीको हत्या गरेपछि दुई देशबीच तनाव उत्पन्न भएको छ

। सोलेमानीको अन्त्येष्ठि गरेलगत्तै बगदादस्थित अमेरिकी सेनाको बेसक्याम्पमा रकेट हमला भएको थियो । यसैबीच अमेरिकासँग तनाव बढेसँगै इरानले दुर्घटनाग्रस्त विमानको ब्ल्याक बक्स र उडानका रेकर्डहरु बोइङ विमान निर्माता कम्पनी वा अमेरिकालाई हस्तान्तरण नगर्ने स्पष्ट पारेको बीबीसीले जनाएको छ । तर इरानको विदेश मन्त्रालयले भने दुर्घटनाको आधिकारीक रुपमा अनुसन्धानमा भाग लिन भने आह्वान गरेको छ ।

प्रतिकृया दिनुहोस

साताको लोकपृय

भ्रमण वर्ष सफल पार्ने बहराइनको प्रतिबद्धता

Ms khalifa

काठमाडौँ ।  बहराइनका परराष्ट्र सचिव डा सइका राना बिन्ट लसा अल खालिफाले नेपाल भ्रमण वर्ष २०२० सफल ...