पछिल्लो २४ घण्टामा १,८१८ जना कोरोना मुक्त

काठमाडौँ ।  पछिल्लो २४ घण्टामा १,८१८ जना कोरोना मुक्त भएका छन् । यो सँगै हालसम्म अस्पतालबाट डिस्चार्ज हुनेको संख्या ३५ हजार ७०० पुगेको छ ।

स्वास्थ्य तथा जनसंख्या मन्त्रालयको अनुसार कुल संक्रमित मध्ये ७१ प्रतिशत संक्रमित कोरोना संक्रमण मुक्त भई अस्पतालबाट डिस्चार्ज भएको मन्त्रालयले जनाएको छ ।

पछिल्लो २४ घण्टामा थप १ हजार २४६जनामा कोरोना भाइरसको संक्रमण पुष्टि भएको छ । यो सँगै कोरोना संक्रमितको संख्या ५० हजार ४६५ पुगेको छ । २४ घण्टामा थप ५ जनाको कोरोनाले मृत्यु भएसँगै ज्यान गुमाउनेको संख्या ३१७ पुगेको छ ।