यस्तो रह्यो लेखराज भट्टको मन्त्रालयमा दोस्रो ‘इन्ट्री’

Lekhraj vatta

काठमाडौं । प्रधानमन्त्री केपी ओलीको सिफारिसमा बुधबार राति ६ मन्त्री र ३ राज्यमन्त्री फेरबदल गरियो । केही नयाँ अनुहार पनि ओलीको मन्त्रिपरिषदमा परे भने केही दोहोरिए । यसरी दोहोरिनेमा थिए लेखराज भट्ट ।

संविधानको धारा ७६ को उपधारा (९) बमोजिम उनले राष्ट्रपति विद्यादेवी भण्डारीसमक्ष मन्त्रिपरिषद् पुनर्गठन गरिँदा भट्टले उद्योग, वाणिज्य तथा आपूर्ति आपूर्ति मन्त्रालयको जिम्मेवारी पाए ।

बिहीबार बिहान सबै मन्त्रीहरुले शितल निवासमा पद तथा गोपनिताको सपथपछि मन्त्रीहरु आ–आफ्नै पाराले मन्त्रालय पुगे । सचिव, सहसचिव र कर्मचारीहरुको स्वागतपछि मातहतका कर्मचारीलाई निर्देशन दिएर सबै मन्त्रीहरुले कार्य थालनी गरे ।

राष्ट्रपति विद्यादेवी भण्डारीबाट सपथ लिएपछि उद्योग, वाणिज्य तथा आपूर्ति आपूर्ति मन्त्री लेखराज भट्ट सहिद गेटमा सहिदको शालिकमा माल्यार्णपण गर्न पुगे । उनी सहिद गेटपछि पेरिसडाडा पुगे । अनि उनी बल्खु पनि पुगे ।

उनी उद्योग, वाणिज्य तथा आपूर्ति आपूर्ति मन्त्रालय आउन ढिला हुँदा मन्त्रालय प्रांगणमा जम्मा भएका कर्मचारी र सो मन्त्रालय मातहतमा प्रमुखहरु निक्कैबेर छटपटिँदै स्वागतको पर्खाइमा थिए । जव मन्त्री भट्ट आइपुगे, सुरु भयो स्वागतको प्रक्रिया । लाइन लागेका कर्मचारीले दिएका पुष्प गुच्छा समाउँदै मुस्कुराउँदै कुर्सीमा पुगे । अनि आफुले उद्योग क्षेत्रमा रहेका सबै समस्या हल गर्ने प्रतिवद्धता जनाए ।

दोस्रोपटक उद्योग मन्त्रालयको जिम्मेवारी पाएका उनले भने, ‘अहिलेसम्म मन्त्रालयले पहिल्याएको समस्या समाधान गर्दै अघि बढ्नुपर्छ । सेवाग्राही अलमलमा नपर्ने गरी कार्यसम्पादन होस् । यो मन्त्रालयमा अनुशासनहीन काम नहोस् ।’

करिव २ मिनेट बोलेपछि उनी सभाहलमा पुगे । सभा हलमा मन्त्री भट्टले दीर्घकालीन योजना पूरा गर्दै एक नम्बरको मन्त्रालय बनाउने उद्घोष गरे । पुरानो ढर्राले नभई समाजवाद उन्मुख कार्ययोजना बनाएर अघि बढ्नुपर्ने उनको भनाइ छ ।

बिहीबार मन्त्रालयमा कार्यभार सम्हाल्दै उनले भने, ‘समाजवाद उन्मुख कार्य योजना बनाएर अघि बढ्नुपर्छ । पुरानो ढर्राले अघि बढ्न सकिन्न ।’ सिक्ने र सिकाउने गरेर मन्त्रालय एक ढिक्का भएर अघि बढ्ने उनले बताए । कार्यसम्पादनको क्रममा सेवाग्राही अलमल नपरुन् भनेर उनले कर्मचारीहरुलाई सचेत गराए ।

 

 

प्रतिकृया दिनुहोस

साताको लोकपृय

श्री पाथिभरा माताको दर्शन गर्दै हेनुस् आज बिहिबारको राशीफल

Pathibhara 2014

मेष (चु, चे, चो, ला, लि, लु, ले, लो, अ) पशुपालन र कृषिव्यवसायमा सफलता प्राप्ति हुनेछ । तर्क, वहस ...