प्रधानमन्त्री ओलीको तेस्रो डायलासिस आज हुने

Kp oli

काठमाडौं । नियमित स्वास्थ्य प्ररिक्षणका क्रममा रहेका प्रधानमन्त्री केपी शर्मा ओलीको ग्रान्डी इन्टरनेसनल हस्पिटलमा तेस्रोपटक डायलासिस हुने भएको छ ।

यसअघि पनि दुईपटक डायलासिस गराइसकेका प्रधानमन्त्री ओलीको पुनः तेस्रोपटक डायलासिस हुन लागेको हो । उनको तेस्रोपटक डायलासिस आज बिहान ग्रान्डी इन्टरनेसनल हस्पिटलमा हुँदैछ । चिकित्सकहरुले यसलाई नियमित स्वास्थ्य परिक्षण भएको बताएका छन् ।

डायलासिसबाट रगतमा जम्मा भएको फोहोर तत्व, अनावश्यक नुन, पानी हटाउने गरिन्छ । खासगरी मिर्गौलाको कार्यक्षमता १५ प्रतिशतबाट तल झरेमा डायलासिसको आवश्यकता पर्छ ।

ओलीको १२ वर्ष अघि भारतस्थित नयाँ दिल्लीको अपोलो अस्पतालमा मिर्गौला प्रत्यारोपण गरिएको थियो । गत भदौमा प्रधानमन्त्री ओलीले मिर्गौला सम्बन्धी एन्टीबडी हटाउन प्लाज्मा फेरेसिस पद्धतिबाट उपचार गरेका थिए ।

प्रधानमन्त्री ओली १८ साउनमा स्वास्थ्य परीक्षणका लागि सिंगापुर गएका थिए । २७ साउन स्वदेश फर्किएका उनी ५ भदौमा फेरि सिंगापुर पुगे र नेशनल युनिभर्सिटी अस्पतालमा फेरिसस प्लाज्माफेसेसिस प्रक्रियामार्फत उपचार गरियो ।

२० भदौमा स्वदेश फर्किएका उनी पाँच दिनपछि त्रिवि शिक्षण अस्पतालको मनमोहन कार्डियोथोरासिक भास्कुलर तथा ट्रान्सप्लान्ट सेन्टर पुगेर प्लाज्माफेरेसिस गर्दा मुटुमा राखिएको क्याथेटर निकालिएको थियो ।

प्रतिकृया दिनुहोस

साताको लोकपृय

भ्रमण वर्ष सफल पार्ने बहराइनको प्रतिबद्धता

Ms khalifa

काठमाडौँ ।  बहराइनका परराष्ट्र सचिव डा सइका राना बिन्ट लसा अल खालिफाले नेपाल भ्रमण वर्ष २०२० सफल ...