पूर्वमन्त्री रुप ज्योती पक्राउ, शुक्रबार अदालतमा अपस्थित गराइने

Rup jyoti pakrau

काठमाडौं । पूर्व अर्थ राज्यमन्त्री रुप ज्योति पक्राउ परेका छन् । बिहीबार साँझ त्रिभुवन सिंगापुरबाट अन्तर्राष्ट्रिय विमानस्थल काठमाडौं ओर्लिएलगत्तै प्रहरी पक्राउ गरेको हो ।

महानगरीय प्रहरी परिसर काठमाडौंमा परेको उजुरीका आधारमा जिल्ला अदालत काठमाडौंले बिहीवार रुप ज्योतिविरुद्ध पक्राउ पूर्जी जारी गरेको थियो । तर, पक्राउ पूर्जी जारी भइसकेपछि भने प्रहरीले रुप ज्योतिलाई पक्राउ गर्न आलटाल गरिरहेको थियो ।

उनलाई महानगरीय प्रहरी परिसर काठमाडौंको हिरासतमा राखिएको छ । हाउजिङ सञ्चालनको नाममा सर्वसाधारणको रकम ठगी गरेको आरोपमा उनलाई पक्राउ गरिएको हो ।

मंगलबार सर्वोच्च अदालतले ज्योतिलाई पक्राउ गरी कसुरमाथि अनुसन्धान गर्न प्रहरीलाई आदेश दिएको थियो । उनलाई शुक्रबार अदालतमा अपस्थित गराएर उजुरीमाथि अनुसन्धान गर्ने प्रहरीको तयारी छ । उनी उद्योगपति हुन् ।

काठमाडौं महानगरपालिका–२६ गल्कोपाखा बिज्ञेन्द्रकृष्ण मल्लले बाँसवारीस्थित हाउजिङमा घर खरिदका लागि आफूले ल्याण्डमार्क डेभलपर्स प्रालिलाई २ करोड ७० लाख रुपैयाँ बुझाए पनि घर र जग्गा नपाएको भन्दै प्रहरीमा उजुरी दिएका थिए ।

रुप ज्योतिले २०७१ सालमा ल्याण्डमार्क डेभलपर्स प्रालिका नामबाट बाँसबारीमा निर्माण हुने हाउजिङमा मल्लका लागि ७ आना क्षेत्रफलको जग्गामा घर बनाइदिने भनेर २ करोड ७० लाख रुपैयाँ लिएका थिए । त्यतिबेला ३५ लाख रुपैयाँ प्रतिआना रहेको जग्गाको मूल्य बढेर १ करोड पुगेपछि रुप ज्योतिले उक्त जग्गा मल्ललाई बिक्री गर्न मानेन् ।

मल्लबाट पैसा लिइसकेपछि रुप ज्योतिले उल्टै क्वालिटी डेभलपर्स प्रालिका नाममा उक्त जग्गा नामसारी गरिदिए । एउटा व्यक्तिलाई बिक्री गर्ने भनेर पैसासमेत लिइसकेको जग्गा अर्कै कम्पनीलाई बिक्री गरेको भेटिएपछि अदालतले ठगी मुद्दामा अनुसन्धानका लागि हिरासतमा लिन प्रहरीलाई आदेशसमेत दिएको थियो ।

प्रतिकृया दिनुहोस

साताको लोकपृय

अब शिक्षकको पनि निजामती कर्मचारी सरह बढुवा

Teacher

काठमाडौं । सामुदायिक विद्यालयमा कार्यरत शिक्षक पनि निजामती कर्मचारी सरह बढुवा हुन पाउने भएका छन् ...