किन घट्न थाल्यो लोक सेवा आयोगमा दरखास्तको दर ?

प्रतिवेदनले भन्छ, अघिल्लो वर्षको तुलनामा ७५ प्रतिशत कम दरखास्त

Loksewa prabedan

काठमाडौं । लोक सेवा आयोगमा गत आर्थिक वर्षको तुलनामा यस वर्ष दरखास्त कम परेको पाइएको छ ।

आर्थिक वर्ष २०७४/७५ मा ५ हजार ९ सय ७० पदका लागि विज्ञापन प्रकाशित भएको थियो । आर्थिक वर्ष २०७५/७६मा भने संघतर्फ कुल १ हजार १ सय ७४ पदका लागि विज्ञापन खुल्यो र यो विज्ञापनमा कुल १ लाख ४३ हजार ८ सय ४० दरखास्त पर्‍यो । दरखास्त संख्या यो अघिल्लो वर्षको तुलनामा ७५ प्रतिशत कम हो ।

आर्थिक वर्ष २०७४/७५ मा कुल ५ हजार ९ सय ७० पदका लागि विज्ञापन खुलेको थियो । तर, २०७५ साउनदेखि २०७६ असार मसान्तको अवधिमा जम्मा १ हजार १ सय ७४ पदमा विज्ञापन खुलेको छ ।

गत जेठ १५ गते स्थानीय तहका लागि प्रकाशित विज्ञापनमा भने दरखास्तको बाढी नै लाग्यो । स्थानीय तहका लागि ९ हजार १ सय ६१ पदमा विज्ञापन खुलेकामा पाँच लाख २८ हजार ९ सय ६८ दरखास्त परेको आयोगको तथ्यांक छ ।

गत वर्षजस्तै यस वर्ष पनि खरिदार पदमा सबैभन्दा बढी ६४ हजार ७ सय ३३ दरखास्त परेका छन् । बढी दरखास्त परेका अन्य पदहरुमा क्रमशः नायब सुब्बा र शाखा अधिकृतलगायत छन् ।

उम्मेदवारको स्थायी ठेगानाको आधारमा प्रदेश २ बाट सबैभन्दा २९ प्रतिशत दरखास्त परेको छ । नियुक्तिका लागि सिफारिस पनि सबैभन्दा बढी प्रदेश २ मा नै (२० प्रतिशत) भएको लोक सेवा आयोगको वार्षिक प्रतिवेदनमा उल्लेख छ । यो वर्ष सबैभन्दा बढी सर्लाही, सप्तरी, धनुषा, बारा, महोत्तरी र सिरहामा दरखास्त परे । सबैभन्दा कम मनाङ, मुस्ताङ, रसुवा, पश्चिम नवलपरासी र डोल्पामा दरखास्त परे ।

लोक सेवा आयोगको ६० औं वार्षिक प्रतिवेदनमा सबैभन्दा धेरै सिफारिस सर्लाहीमा छ भने कम तेह्रथुम मा सिफारिस भएको छ । सर्लाहीपछि क्रमशः रौतहट, रुकुमपूर्व, गुल्मी, स्याङ्जा र सुर्खेतमा धेरै उम्मेदवारहरु नियुक्तिका लागि सिफारिस भएका छन् ।

सबैभन्दा कम सिफारिस हुने जिल्लाहरुमा तेह्रथुम, सोलुखुम्बु, लमजुङ, सिन्धुपाल्चोक र मुगु छन् । मनाङ, मुस्ताङ, डोल्पा र रसुवा जिल्लाबाट भने कुनै पनि उम्मेदवार नियुक्तिका लागि सिफारिस नभएको वार्षिक प्रतिवेदनमा उल्लेख छ ।

प्रतिवेदन अवधिमा कुल ४ हजार ५ सय ७४ उम्मेदवारहरु स्थायी नियुक्तिका लागि सिफारिसमा परेका छन्, जसमा महिला १ हजार ४ सय ४८ ९३२ प्रतिशत० र पुरुष ३ हजार १ सय २६ (६८ प्रतिशत) छन् । अघिल्लो वर्षको तुलनामा गत वर्ष विज्ञापन नै कम खुलेकाले दरखास्त पनि कम परेको आयोगले जनाएको छ ।

लोक सेवा आयोगको ६० औं वार्षिक प्रतिवेदन मंगलबार राष्ट्रपति विद्यादेवी भण्डारी समक्ष बुझाउँदै लोक सेवा आयोगका अध्यक्ष उमेश मैनालीले यस वर्ष विज्ञापन कम खुलेकाले आफूहरु फुर्सदिला भएको बताए । अघिल्लो वर्षको तुलनामा ७५ प्रतिशत कम दरखास्त परेको जानकारी दिए ।

प्रतिकृया दिनुहोस

साताको लोकपृय

अब शिक्षकको पनि निजामती कर्मचारी सरह बढुवा

Teacher

काठमाडौं । सामुदायिक विद्यालयमा कार्यरत शिक्षक पनि निजामती कर्मचारी सरह बढुवा हुन पाउने भएका छन् ...