सरकारबाटै लोकतन्त्रमाथि खतरा : देउवा

Sher bahadur deuba damauli

तनहुँ । नेपाली कांग्रेसका सभापति शेरबहादुर देउवाले सरकारबाटै लोकतन्त्रमाथि खतरा रहेको बताएका छन् । सभापति देउवाले लोकतन्त्र बलियो बनाउन सरकारले प्रतिपक्षसँग मिलेर काम गर्नुपर्ने पनि बताएका छन् ।
प्रजातन्त्र सेनानी नेपाली कांग्रेसका नेता स्वर्गीय गोवर्द्धन शर्मा पोखरेलको आत्मवृतान्त ‘मेरो जीवन यात्रा’ पुस्तकको शनिबार दमौलीमा लोकार्पण गर्दै उनले प्रतिपक्ष वैकल्पिक सरकार भएकाले सरकारले प्रतिपक्षलाई साथमा लिएर काम गर्नुपर्नेमा जोड दिए । कांग्रेस रहुन्जेल कसैले लोकतन्त्र अपहरण गर्न नसक्ने र त्यसका लागि उत्साही, लडाकु एवं जुझारु नेता–कार्यकर्ताको आवश्यकता रहेको उनको भनाइ छ ।

‘सबैलाई साथमा लिएर सरकार अगाडि बढ्नुपर्छ । कम्युनिष्ट सरकारले राम्रो काम गरोस्’ उनले भने, ‘अहिलेको सरकार कम्युनिष्ट सरकार हो, तर कम्युनिष्ट देश होइन । त्यसैले मिलेर काम गर्नुपर्छ ।’ देउवाले सत्तापक्ष र प्रतिपक्षबीच प्रतिस्पर्धा हुने गरे पनि देशको हितका लागि सबैको सहमति र सहकार्य आवश्यक रहेको उल्लेख गरे ।

कांग्रेसका वरिष्ठ नेता रामचन्द्र पौडेलले वर्तमान सरकारबाट लोकतान्त्रिक अधिकार कुण्ठित हुने हो की भन्ने चिन्ता रहेको बताए । प्रजातन्त्रको रक्षाका लागि कांग्रेस पछाडि नहट्ने प्रष्ट पार्दै उनले राजनीति र लोकतन्त्रलाई कमजोर बनाउने षड्यन्त्रलाई परास्त गर्नुपर्ने बताए ।

अदालत, संवैधानिक निकाय र अख्तियारलाई दुई तिहाईको त्रास देखाउने काम भइरहेको भन्दै वरिष्ठ नेता पौडेलले दुई तिहाई मतको दुरुपयोग गर्न नहुनेमा जोड दिए ।

कांग्रेस महामन्त्री डा. शशाङ्क कोइरालाले पार्टीलाई बलियो बनाउनुपर्नेमा जोड दिँदै कांग्रेस एकजुट भए कसैले पनि हराउन नसक्ने ठोकुवा गरे । विचार र इतिहास राम्रो तथा कार्यकर्ता सक्षम रहेकाले आगामी निर्वाचनमा कांग्रेस पहिलो शक्तिको रुपमा उदय हुने उनले ठोकुवा गरे ।
कार्यक्रममा कांग्रेस नेता रामचन्द्र पोखरेल, प्रदेशसभा सदस्यद्वय सरिता गुरुङ र दोबाटे विक, कांग्रेस नेता समुन्द्र गोदार, तनहुँ कांग्रेसका उपसभापति लक्ष्मी आचार्यलगायतले स्व गोवर्द्धनको सिद्धान्त र विचार आजका कांग्रेस नेता कार्यकर्ताले आत्मसात गर्नुपर्नेमा जोड दिए ।

प्रतिकृया दिनुहोस

साताको लोकपृय

अब शिक्षकको पनि निजामती कर्मचारी सरह बढुवा

Teacher

काठमाडौं । सामुदायिक विद्यालयमा कार्यरत शिक्षक पनि निजामती कर्मचारी सरह बढुवा हुन पाउने भएका छन् ...